Номын тухай

Тухайн үг хэллэг ямар утгатай болох, ямар ханз бичих зэргийг шалгах үед япон-монгол, монгол-япон хоёр хэлний болон япон хэлний тайлбар толь бичгүүд ихээхэн үүрэг гүйцэтгэдэг. Гэхдээ бидний өнөөг хүртэл хэрэглэж ирсэн толь бичгүүдээс олддоггүй үгс олон байдаг. Уг толь бичигт өнөөгийн толь бичгүүдэд тэр бүр байдаггүй үг ба мэдээллийг оруулснаас гадна аль болохоор өргөн хэрэглээний ханз түлхүү ашиглан, дуудлагыг нь хадсан болно. Мөн андуурч болзошгүй үг хэллэгийг анхааруулахын тулд тайлбар дундаа буруу хэрэглэсэн жишээг иш татан харуулсан. Толь бичгийг япон хэлний түвшин тогтоох дунд, дээд шатны шалгалтанд бэлтгэгчдэд болон япон хэлний мэдлэгээ гүнзгийрүүлэхийг хүссэн, япон хэлний орчуулгыг өгүүлбэр зүйн хувьд алдаагүй зөв хийхийг хүссэн хүн бүхэнд зориулав Орчуулагч Д.Баттуул, JICА-гийн гишүүн Ц.Фүмико нарын эмхэтгэж хэвлүүлсэн энэ толь бичигт Японы хэлний анхан шатны мэдлэг олоход зайлшгүй шаардлагатай үг хэллэг, харилцан яриаг багтаасан байна.