Номын тухай

Арвуулаа эргүүлд явж байгаад хятадын салаа явган цэрэгтэй давч хөтөл дээр халз тулчихсан, ядахад морьд эцчихсэн байсан. гэтэл Нэхийт ямар ч эргэлзэх юмгүй сэлмээ далайгаад дайраад орчихсон, гэнэтийн тэр дайралтад дайсан самгардаад бутран зугтааж, тэд өөрсдөө амь гарсан. Барагтай эр өөрсдөөсөө бараг тав, арав дахин олон луу тэгэж дайрахгүй. Хэрвээ эргээд зугтаасан бол араас түүгээд буудчихаар ойрхон тулсан...

гэх мэтээр лав гурван удаа аминд нь орсон тухай ярьдаг байв.

Тухайн үед Нэхийт дэслэгч байгаад 1947 онд ахмад болсон, тагнуул сумангийн орлогч байгаад захирагч болсон.

Гуч гаруй настай, идэрмэг, цэргүүдтэй дандаа барилдаж явдаг, ихэвчлэн дээлтэй явдаг байж. Мань хүнийг хаядаг цэрэг байдаггүй байсан гэдэг. Баруун хязгаарт Нэхийтийн тухай үнэн худал нь үл мэдэгдэх ер бусын түүхүүд яригддаг. Гурвуулахнаа яваад зуун дайсан олзлоод ирсэн гэх мэт.