Номын тухай

1. Уг нь гурван ботид л бүгдийг багтаан бичиж дуусгана гэж би хувьдаа төлөвлөсөн. Гэтэл Солонго, Оргил, Билгүүн нар дэндүү дураараа хайрлаж, дурлаж, хагацаж, жаргасаар, монголчуудын эртний эротизмын хаалгыг татан цаашилсаар "Хөх сарны явдал" дөрвөн ботиор уншигч танд хүрч байна. Монголын их хаад удам залгаж, хаан ширээг нь өвлөх хүүдээ адууны хялгас чигжиж хийсэн гудас бэлэглэдэг, энэ эрхэм бэлгийг нь авсан хөвгүүн хаан сэнтийд залрах нь тодорхой болдог байв, чухам яагаад? Монгол эмэгтэйчүүд таван мах бодийн цайны ухаанаар эрийнхээ бие сэтгэлийг тордож, эр хүний цэнгэлийг нь 70 нас хүртэл үргэлжлүүлэн хүртэж чаддаг байв, чухам яаж?...нууц тарнийн ёсонд суралцаж буй сахил хүртсэн лам хүнд 18 настай охин цамын боол нэртэйгээр үйлчилдэг байв, чухам юуны учир? Яг л энэ асуултуудын хойноос Солонго мордож, эрснээ олох болно...гэхдээ юуны төлөө? Зөвхөн насанд хүрэгчдэд зориулан туурвисан Дөрвөн ботиор хэвлэгдсэн.