Номын тухай

Еврейчүүдийн дунд яагаад дэлхий даяар алдартай эрдэмтэн, толгой баячууд ихээр байдаг вэ? Дэлхийн хүн амын дөнгөж 0,1%-д хамрагдах еврейчүүдийн энэ их хүч ингэхэд хаанаас ундран гарч ирээд байдаг юм бол? Энэ бүгдийн нууц учгийг тайлах гогцоо нь чухамдаа тэдний хүүхэд ахуй цагтаа олж авсан хүмүүжил, боловсролтой нь нягт холбоотой байдаг байна. Өөөрөр хэлбэл еврейчүүдийн үр хүүхэддээ олгох боловсролд өөрсдийн гэсэн өвөрмөц сэтгэлгээний хэв маяг, сурган хүмүүжүүлэх аргазүй оршдог ажээ. Түүхийг сөхөөд үзвэл Еврейчүүдийн 5 мянган жилийн түүх нь тэр аяараа бэрхшээл сорилтоор дүүрэн он жилүүд байв. Газар нутаг, алт мөнгө, нийгэмд эзлэх байр суурь гээд л аль нь ч еврей хүнийг өмгөөлж чадсангүй. Цорын ганц найдаж, амьдралаа даатгах зүйл нь зөвхөн өөрсдийн толгойдоо хуримтлуулан цааш өвлүүлж болох эрдэм мэдлэг, оюун ухаан л байлаа. "Хүн амьд явсан цагт өөрөөс нь булаагаад авч чадахгүй ганц зүйл байдаг нь эрдэм мэдлэг юм". Үүний нэгэн адил еврейчүүд үр хүүхэддээ эрдэм мэдлэг, амьдрах арга ухаанаа өвлүүлж өгөх явдал нь эцэг эхийнхээ хувьд жинхэнэ тэдний гүйцэтгэх ёстой гол үүрэг хариуцлага хэмээн бат итгэж иржээ. "Еврейчүүдийн үр хүүхдээ хүмүүжүүлэх арга ухаанд" нуугдаж байгаа тэрхүү еврей хүний гайхамшигт сэтгэлгээний нууцыг энэ номноос уншаарай.