Номын тухай

Намираа борооны дараа газраас халуун уур савсан юутай анхилуун агаар орчныг амьсгалуулнам бэ. Бөөн бөөн цагаан үүл тэнгэрт дураараа хөлхөлдөн нарны элчийг сааруулах нь тааламжтай. Орчин тойрны байц өндөр уулсууд бороонд өөрийн өнгөөр мишээн, бадмаараг адил гялалзах хадан шигтгээгээрээ гайхуулах мэт ихэмсгээр ханхайж уулсын оройгоор цагаан элэгтэй хүрэн бүргэдүүд нисэж, саявтар болж өнгөрсөн дайны үлдэгдэл олз юу байгааг нүдэн дурангаараа харж тооцно. Энэ газар дээр монголын морин цэргийн зөрөг-мөрүүд ширдэгний хээн угалз адил зурайж харагдах нь бүхнээс содон гэлтэй...