Номын тухай

"Хэрвээ эзгүй арал дээр хаягдах болбол ямар ном авч явах тухай яригддаг  нэвтрүүлгээс   санаагаа  эхэлсэн   энэ   бүтээл  бол  хүн төрөлхтний уран сайхны сэтгэлгээний товч түүх юм.   Домог үлгэрийн мөн чанараас эхлээд туульсын бүтээлүүдийн зөвхөн их гүрэн эзэнт улс шинээр мандан бадрах явцыг даган зохиогдож ирсний учир шалтгааныг тэнд өгүүлснээс гадна орчин цагийн төрөл жанрын хувьслын учрыг энгүүн сайхнаар тайлбарлажээ.   Жендер түүх ч утга зохиолын ертөнцийг тойрсонгүй, эмэгтэйчүүд боловсрол эзэмшихэд таагүй ханддаг үе байсныг бид мэдэх ч эмэгтэй хун зохиол бичихийг таашаадаггүй эрин бас байсныг тэр бүрий анзаардаггүй. Ийм орчинд олон эмэгтэй зохиолч нэр зүсээ нуун туурвиж байсны тод жишээ Жорж Санд (гэдэг нь эр хүний нэр) ажгуу.    Утга зохиолын ертөнцийг бүхэлд нь тоймлон харсан эл ном номын худалдаа ба зохиогчийн эрхийн асуудлыг эвлэг аятайхнаар тайлбарлажээ.  Улмаар орчин үеийн цахим утга зохиолын чиг хандлага болон тодорхой санаа өгөөд уншигчдаар цааш нь бичүүлдэг тийм төрөл жанр гарсныг ч эндээс мэдэж авна.