Номын тухай

Манай орны ургамлын аймгийн дотор жимс, жимсгэнийн ургамлууд байгалийн бүс, бүслүүрийн экологийн олон орчинд ургадаг учраас нутаг, нутгийн иргэд тэдгээрийг ахуй амьдралдаа хэрэглэсээр ирсэн билээ. Хүн төрөлхтөн зэрлэг жимсгэнийг боловсорсон үед түүж зохистой ашиглахын зэрэгцээгээр тарималжуулан, ургацыг нэмэгдүүлж олон тооны таримал хэлбэр сортыг бий болгон ашиглах болсон байна. Дэлхийн хэмжээгээр жимсний аж ахуй хөдөө аж ахуйн нэгэн томоохон салбар болон хөгжиж байгаа бөгөөд хүний эрүүл ахуйн онцгой хэрэгцээт хүнс, тэжээлээр хангахад жимс, жимсгэнэ онцгой ач холбогдолтой.