Номын тухай

Монгол зон маань тэнгэр бурхандаа залбиран, байгаль дэлхийгээ шүтэн биширч, эрдэнэт сайхан хүлэг морьтойгоо ойлголцож чаддаг нарийн торгон мэдрэмжтэй ард түмэн билээ. Ийм ардын дундаас гарсан дууны сургах, хүмүүжүүлэх, ухаарал өгөх шүлэг яруу найраг гайхамшигтай ажээ. Судлаач Д.Эрдэнэчимэг нөр их хөдөлмөрийн үр дүнд одоо, ирээдүйд мөнхөд амьд байх гайхамшигт дуунуудыг эрэн хайн эмхэтгэжээ. Тэрээр ардын сайхан дуундаа уярч, ухаарч сэргэж байдаг уяхан сэтгэлтэй, хийморлог түмэндээ энэхүү дууны түүврээ өргөн барьж байна.