Номын тухай

Сав шим, байгаль ертөнцийн юмс үзэгдлийн хууль, зүй тогтол, бодисын харьцаа холбоонд тулгуурласан хүн байгалийг судлах, хүнийг гэгээрүүлэн ухааруулах шинжлэх ухааныг зурхайн ухаан гэнэ. Эрхэм хүндэт уншигч авхай таны гэгээн мэлмийд толилуулж буй энэ номонд хүмүүний заяаг олж нарт хорвоод мэндлэх жил, сар, өдөр, гариг, цаг, мэнгэ суудал, одны төөргийг нэгтгэн эмхэтгэж, шүүн тунгааж туурвисан болно. Хүний амьдралын хувь заяаны хэмнэл төрсөн өдрийн төөрөг, гарсан өдрийн гаригтай нягт холбоотой байдаг тул аливаа хүн төрсөн сар, өдөр, цаг, минутаа мэдэж байхад түүнийгээ ашиглан ямар хувь тавилан, ямар зан төрх, юуг анхаарах, юуг хүндэтгэн шүтэх зэргийг энэ номноос олж авах болно.