Номын тухай

 

Уулын модыг зулзага байхад

Урсгал мөрнийг булаг байхад

Усны шувуудыг ангаахай байхад

Урьд эртний цагт гэнэ.

Эгэл хүний хорвоогийн

Ирж буцах тавиланг мартаж

Будан.т хорвоогийн жамаар явалгүй

Бусдаас муу үйлээр зугтан үлдээд

Галав юүлтэл баяжихыг санаархаж

Ганцаараа түмнийг дарлах санаатай

Хатуу яхир ааштай

Харамч муу үйлтэй

Хар бараан сэтгэлтэй.

Харамч Хайнзан гэж

Хавь ойрынхондоо адлагдсан

Хэцүүхэн нэгэн хүн байжээ.

Харамч  Хайнзан

Хармын сэтгэлийнхээ шидээр

Гарынхаа  хурууны салаагаар

Ганц дусал ус алдаж үзээгүй

Гамнаж  харамлаж  дарсаар

Ганц юмаа олон болгож хураагаад

Ганц хүн идээд барахааргүй

Газар дэлхийд ч хүндэдхээр

Хөрөнгө хогшил ихтэй болжээ.