Номын тухай

Ж.Барамсай нь далаад оны Монголын нийгмийн захиалгаар бурангуй бүхний өө сэвийг дарж илаарьшуулахаар тодорсон авьяас билигтэн билээ. “Алтан загасны үлгэр” шог өгүүллэг гарсны дараахнаас тэр үеийн өсвөр үеийнхэнд гажиг мэт тогтсон этгээд хэллэг салхинд үлээгдэх мэт хийсэн алга болсон билээ. Нийгэмд шог зохиол ийнхүү үйлчилдэг гэдгийг анх удаа би нүдээр үзэж үнэмшсэн юм даг. Тэрбээр зохиолын сэдвээ амьдралаас түүртэлгүй олох төдийгүй унага эхээс төрөнгүүт тэнцэн босох мэт шог өгүүллэгүүдээ ар араас нь гараас гаргадаг байв...

Соёлын гавьяат зүтгэлтэн, шог зохиолч И.Цэрэнжамцын дурсгалыг сөхвөл ийн ажээ.

Мир ном хэвлэлийн газар нь зохиолч Ж. Барамсайн “Миний талд ороогүй хүмүүс”, “Тоглоом шоглоом”, “Хэцүү урилга”, “Санал гомдлын дэвтэр”, “Эмд ордог өвс”, “Биегүй сүүдэр” тэргүүт шилдэг өгүүллэгүүдийн түүврийг эрхлэн гаргаж уншигч танд өргөн барьж байгаадаа туйлын баяртай байна.