Номын тухай

Ингээд Болд аяархан өндиймөгцөө нүдээ анин, орноосоо могой мэт гулсан бууж мий мэт мяраан, хоёр гараа сохор хүн шиг урагш сарвайтал Харнүдэнгийн орны хөлийн төмөр баригджээ. Баруун гараа таамгаар явуултал жижигхэн дулаахан хөл өртөв. Харнүдэн хөлөө огцом татах шиг боллоо. Тэгтэл ч тас буугаад явчих нь тэр, эргээд ухасхийхийн завдалгүй нүцгэн чээж рүү нь ус цацагдаж, толгой дээр нь шанага бололтой юмаар данхийлгээд авчээ. Болдын хамраас нэг юм сугаран гарах шиг, нүднээс нь очис үсрээд, гэр доторх юмс тэр чигээрээ гэрэлтэн харагдах шиг болов. "Шанага ус бэлтгэсэн муу туучий байх нь" гэж

бодоод хөнжилдөө үсрэн ортол зүүн орноос, -Яав даа хөөе, юу болж байна гэсэн эмээгийн айж цочсон дуу сонсдох нь тэр.