Номын тухай

Энэ романыг гарсны дараа Агата Кристи "адал явдалт уран зохиолын үндсэн дүрмээс гажсан" хэмээн ихээр шүүмжлүүлсэн ч яваандаа хамгийн алдартай зохиолчдын нэг хэмээх алдрыг хүртэж, "уншигчид зохиолын бүх баатрыг хардаж сэрдэх эрхтэй" гэсэн шинэ дүрмийг адал явдалт уран зохиолд оруулсан билээ.

Газрын эзэн Рожер Экройдын амиа алдсан хэрэг эхлээд цагдаа нарт тийм ч ээдрээтэй хэцүү биш, талийгаачийн дагавар хүү үйлдсэн хэрэг мэт харагдана. Гэтэл ажил хэргээсээ түр хөндийрч амар тайван суухаар тэр нутагт саяхан очсон мөрдөгч Экрюль Пуаро өөрөөр үзэж, газрын эзний үхэл ашигтай байж мэдэх төрөл төрөгсөд, найз нөхөд, танилууд гээд их олон сэжигтэй уг хэргийг мөрдөхөөр шийднэ. 

Хэргийг мөрдөж байх явцад Пуаро сэжигтнүүдийг шалгаж, олон хачирхалтай сэжүүрүүдийг илрүүлдэг. Түүний мөрдлөгийн явцад олон чухал асуулт гарч ирнэ: хэн Рожер Экройдыг алсан юм бол? Гэр бүл, хөршүүд, ажилчид гээд олон хүн сэжигтнүүд болж байгаа ч хамгийн сүүлийн шийдэл нь романы төгсгөлд уншигчдыг балмагдуулна...