Номын тухай

1998 онд Британийн музейнхний олж авсан бэйс Балморалын архивууд дотор доктор Ватсоны утга зохиолын болон түүхийн хувьд гарцаагүй сонирхол татсан тэмдэглэлүүд байжээ. Тэрбээр доктор Ватсон угаас бичгийн хэв муутайн дээр үгийг товчлох дуртай, бас мөрүүдийн хооронд зарим нэг өгүүлбэрүүдийг оруулан харандаагаар бичсэн тэмдэглэлүүд нь балран, уншихын аргагүй болсноос тайлахад хүндрэлтэй байв.

Ноён Шерлок Холмсын мөрдөн илрүүлсэн хэргүүдийн талаар бүрэн бүтнээр нь биш заримдаа хэд хэдэн хуудас, заримдаа ганц нэг өгүүлбэр хэлбэрээр хэсэгчлэн тэмдэглэсэн байлаа. Хэдий тийм ч ноён Шерлок Холмсын өөр өөр үед мөрдөн илрүүлсэн хэдэн хэргийн талаар та бүхэнд хангалттай бодитой үнэнээр толилуулах боломжтой боллоо. Доктор Ватсоны тэмдэглэлүүд Шерлок Холмсын тухай бидний төсөөллийг тэлээд зогсохгүй түүний мөрдөн шалгаж байсан хэргүүдийн он цаг үетэй холбоотой мэдээллүүдийг нарийвчлан тодруулах боломжийг олгосон юм.