Номын тухай

Үлгэр сонсож өссөн хүүхэд амьтан, ургамлыг хайрлах энэрэх ухаанд суралцдаг. Хорон муу санааг сайхан сэтгэлээр ялж байгаа тухай, хэн нэгэнд тус хүргэвэл түүнийхээ хариуг заавал хүртдэг тухай, амьтан, ургамал ч бас хүн шиг өвддөг, амьдардаг тухай үлгэр сонсох нь хүүхдийн хүмүүжилд сайн үр нөлөөтэй байдаг. Мөн аялгуут сайхан Монгол хэлнийх нь үгийн болон утгын санг нэмэгдүүлж, эх оронтой нь ойртуулахын тулд орой бүр та хүүхэддээ үлгэр уншиж өгч байгаарай. Ялангуяа Монгол ардын үлгэрүүдэд орчин үеийн хүүхдүүдийн сонсож дуулж байгаагүй үгс олон орсон байдаг учраас, хүүхдийн чинь өдөр тутмын хэрэглээний үгийн баялаг нэмэгдэж, уран зохиол болон монгол хэлний хичээл дээрээ алзахгүй болно. "Монгол ардын үлгэр"-ийн II ботид Мэргэн оточын мэхт явдал, Мөнгөт Бор хүү, Муур багш, Нэрэлхүү зан, Соломбо хаан, Сүүлэн хүү, Тэнгэрийн зам ба долоон бурхан од, Тэнэг чоно, Увидаст мод, Ухаант туулай, Хоридай мэргэний домог, Хун шувуу, Царцаа намжил, Цуутын цагаагч гүү, Эрийн сайн хар нүдэн Цэвээн хүү, Эвтэй дөрвөн амьтан зэрэг 100 гаруй үлгэр, домог багтсан байна.