“Эрэлхэг Робинсоныхон” (англиар The Swiss Family Robinson) хэмээх хүүхдийн уран зохиолын алдартай бүтээлийг Иоханн Давид Висс (Johann David Wyss) хэмээх Швейцарийн зохиолч 1812 онд анх бичжээ.

Тэрбээр энэхүү зохиолоо анхандаа өөрийн хүүхдүүдэд сургамж өгөх зорилгоор бичиж байсан бөгөөд тухайн үед хүүхдүүдэд гэр бүл, байгальтай зохицож амьдрах, амьдрах ухаан, ёс суртахуун, хөдөлмөрч чанар зэрэг чухал ойлголтуудыг үлгэрээр дамжуулан заах зорилготой байсан гэдэг.

... Усан онгоц нь ширүүн салхинд сүйрснээс болж Робинсоны гэр бүл алслагдсан эргийн эзэнгүй арал дээр хэдэн хувцастайгаа хаягдав. Одоо тэд зөвхөн өөрсдийн оюун ухаан, эр зоригт тулгуурлан тэсч гарах ёстой болжээ. Ямар их аюул бэрхшээл, цөхрөлийн дунд өөрийн гэрээ болгосон арал дээр эдний гэр бүл хэрхэн амьдарч буйг харуулсан сонирхолтой адал явдлын талаар энэхүү зохиолд өгүүлдэг.