Номын тухай

Энэхүү бүтээлд паразит судлалын бүхий л салбарын ололт амжилтыг тусгасан болно. Бүтээл нийт 17 бүлэгтэй бөгөөд цагаан хорхой, хачиг шавж, эгэл биетэн судлах үндсэн хэсгээс гадна дэлхийн мал эмнэлгийн шинжлэх ухааны өнөө ба ирээдүй; паразит өвчин болон уул өвчнөөр аж ахуй тайван эсэхийг судлах арга; паразиттах өвчнийг эмчлэх, сэргийлэх биологийн үндэс; паразит судлалын эпидемиологи, дархлаа судлал; паразитын эсрэг үйлчилгээтэй эм бэлдмэлийн үйлчилгээний хүрээ, механизм, хэрэглэх арга; байгалийн голомтот болон үүсгэгч нь бэлчээрийн хачгаар дамждаг өвчнүүдтэй тэмцэх арга; паразиттах өвчний үе дэх ариутгал, халдваргүйжүүлэлт; Монгол орны мал, амьтдын паразиттах өвчнийг оношлох, эмчлэх, сэргийлэх шинэ арга технологийг боловсруулсан болон энэ чиглэлийн эх орны эмийн үйлдвэрийн ололт амжилт; паразиттах өвчнийг лабораторид молекул биологийн шинжилгээгээр оношлох арга, паразитуудын үлэмж ба бичил гэрэл зураг зэргийг уншигчдадаа толилуулж байна.