Хайжөү хотын дарга Ли Гаочэн дампуурсан Жунъян нэхмэлийн үйлдвэрийн хэргийг өөрийн хүсэлтээр шалгахаар болж, улмаар авлигын эсрэг тэмцлийн ээдрээтэй, ширүүн мөргөлдөөний төвд татагдан орно. Түүний өөрийн гараар дэвшүүлэн томилж байсан үйлдвэрийн ерөнхий захирал Го Жунъяо, эхнэр бөгөөд Авлигатай тэмцэх товчооны дарга Ү Айжэнь, мөн Ли Гаочэнийг улс төрийн тавцанд гаргаж ирсэн мужийн намын хорооны орлогч нарийн бичгийн дарга Янь Жэнь нар эрх мэдэл, ашиг сонирхлоор холбогдсон нууц сүлжээг бий болгожээ.

Эрх мэдлийг мөнгөөр арилждаг энэ тогтолцоо аажмаар “харилцааны сүлжээ” болон хувирч, үйлдвэрийн удирдлагаас эхлээд хот, мужийн түвшний эрх баригчдыг хүртэл хамарсан хамтын авлигын тогтолцоо болон гүнзгийрсэн байв. Үүний үр дүнд нэгэн цагт нэр сүртэй явсан Жунфан групп сүйрлийн ирмэгт хүрнэ.

Үнэнийг илчлэх үү эсвэл эрх мэдэлтнүүдтэй эвсэж бүхнийг нуун дарагдуулах уу гэсэн хүнд сонголтын өмнө Ли Гаочэн тулгарна. Харин авлигад идэгдсэн бүлэглэл түүний мөрдөн шалгалтад саад хийхийн тулд элдэв хавх, дарамт зохион байгуулж, бүр Ү Айжэнийг 300 мянган юанийн хахууль авсан мэтээр харагдуулах хуурамч хэрэг үүсгэн, Ли Гаочэнийг гүтгэх хуурамч бичлэг хүртэл бэлтгэнэ.

Ард түмний талд зогсож үнэний төлөө тэмцэх үү эсвэл эрх мэдэл, ашиг сонирхлын сүлжээнд автан үнэнээс урвах уу! Ли Гаочэний өмнө тавигдсан хамгийн хатуу сорил байлаа.