Амьдралын “дасгалжуулагч” аавуудыгаа мэдлэгтэй, эерэг, ухамсартай аав болоход нөлөөлж, үүрэг хариуцлагыг сануулахад үнэнчээр туслах “Би Аав Болно” хэмээх шинэ ном худалдаанд гарлаа. Бие давхар эхнэр, дөнгөж төрсөн нярайн амьдралыг удирдах, тэднийгээ хайраар дутаахгүй, эрүүл өсгөж, торниулахад мэдлэг олгоно.

Ээж бие давхар болохоос өмнө ааваас юу шаардагдах вэ? Жирэмсэн болсон үеэс эхлэн ааваас юу шаардагдах вэ? Хүүхэд төрсний дараа хэрхэн эрүүл өсгөн хүмүүжүүлэх вэ? Хүүхэд төрсөн үеэс эхлэн аав юу хийх нь чухал болох тухай гээд аавуудын алхам бүрд хэрэгтэй зөвлөгөө, мэдээлэл, туршлагыг “Би аав болно” номоос судалж, халаасандаа, машиндаа, цүнхэндээ байнга авч явдаг, дотно зөвлөгчөө болгоорой.