Номын тухай

Таны удирдан зохион байгуулдаг хүмүүс, таны өөрийн хувьд ч хийж буй ажил тань хэзээ ч уйтгартай, зовлонтой ажил байх ёсгүй юм гэдгийг бид өнөөдөр уншиж ойлголоо. Ажилтнууд ажилдаа таашаалтай хандана гэдэг менежер танд ч, үйлчлүүлэгч нарт ч хэчнээн үр ашигтай зүйл болохыг олж мэдлээ.
Ямар нэг бодлогогүй тэнэг алхам хэзээ ч хийж болохгүй гэдгийг үргэлж санаж явах хэрэгтэй. Ажилдаа дуртай, таашаалтай байна гэдэг ажлаа жинхнээр нь алиа наадар, тоглоом шоглоом болгоно гэсэн үг биш, интернет орж, тоглоом тоглож өнгөрөөнө гэсэн үг бүр огт биш. Тэнэг загварын малгай өмсөх, хүн бүрийг Disneyland руу дагуулж явна гэсэн үг бас биш ээ. Мөн хэмжээлшгүй цалин урамшуулал амлаж өгнө гэж ойлгож ч болохгүй. 
Таашаал гэдэг бол ажилдаа тодорхой байр суурь эзэлсэн гэдгээ мэдэрч, хүнийхээ хувьд хичнээн үнэ цэнтэй болохоо ухаарна гэсэн үг билээ. Хамт олноо улам илүү таньж, тэдний үнэ цэнийг мэдэрнэ гэсэн үг ээ. Мөн харилцан адилгүй байдал, хүндрэл бэрхшээл түүнийг сорьж давах, хөгжил болон өсөлт дэвшлийг илэрхийлж байгаа билээ.