Номын тухай

Монголчуудын шүтлэгийн тухай түүх зохиолд нилээд дээр үеэс тэмдэглэн иржээ. Гэхдээ эдгээр бичиг зохиолд голдуу товч төдий буюу бусад зүйлийг тоочихын далимд цухас дурдсан дуудлагууд байдаг нь эрдэм шинжилгээний бүтээл болох нь ховор юм. Бөө мөргөлийн аман зохиол нь тухайн орон зай, цаг хугацаанд тохирсон уянга шүлгийн айзам, дуу хөгжмийн ая, шүлэглэх урлаг нь ихэд боловсорсон онцлогтой байдаг. Уг бүтээлд бөө мөргөлийн дуудлагын судлагдсан байдал, төрөл зүйл, ангилал, тэнгэрийн дуудлага, онгодын магтаал, онгод урин залах, онгодтой угтан мэндчилэх, онгод мордуулах болон хайрхадын дуудлагын талаар дэлгэрэнгүй бичжээ.