Номын тухай

Уг тайлбар толийг эдийн засгийн ухааны доктор, профессор А.Ганзориг, эдийн засгийн ухааны доктор Б.Ундармаа, Т.Батбаяр нар боловсруулан тунгааж, Монгол улсын гавьяат эдийн засагч, эдийн засгийн ухааны доктор Н.Мишигдорж хянан тохиолдуулжээ. Уг тайлбар толь банк, санхүү, эдийн засгийн мэргэжилтэн, судлаач, дээд сургуулиудын багш, оюутан болон банк, санхүүгийн мэргэжлийн чиглэлээр хэлний мэдлэгээ батжуулахыг эрмэлзэгч хүн бүхэнд зохих туслалцаа үзүүлэх ширээний ном байх болно. Энэхүү гурван хэлний тайлбар тольд банк, санхүүгийн салбарын ажил, үйлчилгээнд түгээмэл хэрэглэгддэг 3590 тулгуур нэр томъёо, нийлэмж үгийг багтаасан байна.