Номын тухай

Үндсэн хоёр хэсгээс бүрдсэн энэхүү бүтээл нь юуны өмнө чулууны тухай сайн лавлах болсныг онцлон тэмдэглүүштэй. Ямар чулуу юунд ээлтэй, юунд харш болоод ямар чулууг юунд голлон ашигладаг тухай нарийн тодорхой өгүүлжээ. Тэрчлэн чулууны ид шид увидасын талаар ч чамгүй мэдлэгийг уншигчдад өгөхөөр болсон байна.  Хөөрөг бол урлаг, соёл, зан заншил, өв уламжлал, үнэт эдлэл, андлахуйн зууч зэрэг олон ойлголтын огтлолцол дээр оршин байдаг эрхэмсэг сайхан, энгүй тансаг ертөнц юм. Дэлхий дахинаа нэлээд түгээмэл Манж, Хятад, Түвд, Монгол гэсэн үндсэн 4 хийцээс чулууны сонголт ур донж, ёроол, мөр, эх бие, толгой, нуух, хавчуурга, халбага, ерөнхий зохилдлого янз байдлаарааа Монгол хөөрөг хол тасархай харагддаг. монголчууд хөөрөгнийхөө шүрэн толгойг аль болох улаан хүрэн одтой байлгахыг хүсдэг нь энэ чиглэлээрх дэлхий дахины үнэлгээтэй дүйцэж байдаг юм..