Номын тухай

Амьдрал алгаа дэлгэхээрээ мөн ч өгөөмөр юм билээ шүү. Нүүр буруулахаараа бас төдий чинээ хунчир байж чаддагийг би мэднэ. Гучин гурван нас хүртлээ гон биеэр амьдарч, эхэндээ тэр байдлаа үзэн яддаг байснаа сүүлдээ ч бүр түүндээ дасах тийшээ хандаж байтал амьдрал намайг эхнэртэй минь учруулж билээ. Хүсэн хүлээж байсан хүн минь бүр яг дүрээрээ байсан шүү. Би ч тэр мөрөөдлийн бүсгүйтэйгээ энгүүн учирч, сэтгэл зүрхээрээ холбогдогно гэж итгэлээ алдаад, "Ер нь эхнэрүүдийг худалдаж авдаг л болсон юм байна" гэж эргэлзээгүй итгээд, мөнгө хураах гэж мухаргүй зүтгэж байсан үе шүү дээ. "Одоо чиний зовох цаг дууссаан" гэж хэлэх шиг л санагдсан...