Номын тухай

Кафка өөрөө "Сураггүй алга бологч" гэж нэрлэсэн энэхүү зохиол нь хожим хэвлэн нийтлэгчдийн өгсөн "Америк" нэрээрээ ихэд алдаршсан билээ. Кафка АНУ-д хэзээ ч очиж үзээгүй боловч Америкийн амьдралын галзуу хэмнэл хэчнээн утга учиргүй болохыг бүрэн дүүрэн мэдэж дөнгөснөөр энэхүү гайхамшигт зохиолоо туурвисан юм. Орсон нөхцөл байдал болгоныг хүлцэнгүй номхоноор хүлээн зөвшөөрч, урсгалаараа явах зуршилтай цагаач залуугийн байж боломгүй этгээд хачин адал явдлын жишээгээр тэрхүү амьдралыг бүрэн дүүрэн илэрхийлж чадсан юм. Амьдрал түүнийг хамгийн санаанд оромгүй байдалд оруулж, хамгийн ер бусын хүмүүстэй уулзуулж учруулдаг.