Номын тухай

Анир тайвуун ээжийн бүүвэй, өвгөдийн уужим алслаг уртын дуу, арганд хүү суулгасан ачаа хөсгийн бараа, уул талын сэвэгнэх төдий салхи намайг аргадан өсгөсөн болохоор орчлонг зөөлөн тунгалаг харцаар энэрч, өрөвч уяхан сэтгэлээ амар амгалангийн өмнө сүү шиг дэвсэж явах хувь тохиосон билээ. Тийм болоод "амар амгалан"-гийн төлөөнөө сэмрэн шаналах сэтгэлийг олсон байх аа. Намуун уянгаар хүний сэтгэлд нэвтэрч нэгийг шивнэн учирлах цэнхэр аяз бол амар амгалангийн суу билиг нь юм. Миний эх орны яруу найраг түүний ай сав нь юм. Надад заяасан мэдрэмж бол түүний чавхдас нь юм. Миний нэрийн хуудас энэ байна. "Амар амгалан"-гийн сүүлчийн "Хаан ширээ" миний эх орон буюу. Зохиогч