Номын тухай

Эл номд хөдөлмөрийн баатар, ардын болон гавьяат цол хүртсэн багш нарын туулсан зам, намтар түүх, бүтээл туурвилыг товч боловч тодорхой оруулахыг хичээсэн болой. Хүмүүний цадиг намтар бол тухайн хүний амьдралын түүхэн замнал. бэрхшээл сорилыг туулсан зам мөр, хийж бүтээсэн ажлын товч тайлан учир ахмад үеийн алдартнаа хойч үеийнхэн таньж мэдэх, үлгэр дууриал авахад хэрэг болуужин хэмээн санаж тэрлэсэн билээ. Алдартнуудын намтар түүхийг ном хэвлэлд янз янзаар андуу эндүү бичдэг, он цагийг зөрүүлдэг дутагдлаас аль болох зайлсхийхийг эрмэлзэн өөрсдөөс нь болон ах дүү. үр хүүхдээс лавлан тодотгож бичсэн учир үнэнээс зөрөхгүй гэдгийгхэлэх юун. Гавьяатуудын дурсамжийг өөрсдөөр нь бичүүлэн. түүхэн зургаар тодотгон, хэл найруулгыг засаж янзлан, намтарт орсон хэсгийг давхардуулан нуршихгүйн тулд бага зэрэг хассан болно. Аливаа дурсамж бол цаг үеийнхээ үүх түүхийг тусгасан түүх бичлэгийн аман эх сурвалжийн үнэ цэнтэй баримт хэрэглэгдэхүүн болдог. Эл номыг бүтээхэд амьд сэрүүн, энх тунх байгаа гавьяатууд болон хань,үр хүүхэд, ач зээ нар гүн туслалцаа үзүүлсэнд талархсанаа өчсүү.

Гавьяатуудын зам мөр балрахгүй, Гаргасан амжилт бүтээл туурвил нь Хойч үеийнхэнд ухаарал хайрлана.

 Хөдлөн урагшлахад нь гэрэл гэгээ болно.

Чингүнжавын нэрэмжит шагналт сэтгүүлч, орон нутгийн түүх судлаач, Хотгойд яст, Цувдаг овгийн Минжигийн НЯМАА