Номын тухай

Эрдэмтэн судлаач бүрийн зорилго бол зөв асуулт тавих, түүнд хариулт олохын сацуу хариултыг туйлын энгийн болгох явдал юм. Хорт хавдрыг авч үзье. Яагаад шинжлэх ухааны үзэл санаа нэг байранд байхгүй, хөдлөнги байхад энэ өвчинд хандах хандлага нь тогтонги шинжтэй байна вэ? Яагаад итгэж болох үр дүн үгүй байна? Өнөөг хүртэл олон зуун жилийн туршид өвчний шалтгааныг эрж олох хандлагад яагаад өөрчлөлт гарахгүй, мөн онолын гол суурь болохуйц үзэл санаа, хандлага бий болоогүй байна вэ? Хавдар судлалд яагаад удамшлын шалтгаан бүхий байр суурь давамгайлж байна вэ? Энэ бүгд уламжлалт хандлага бол тийм ч зөв биш гэдгийг хэлж байна. Эсвэл хорт хавдар нь Түвдийн анагаах ухаанд үзсэнчлэн, амьдралын өөр нэгэн хэлбэр юм болов уу? Эсвэл хорт хавдарт судлаачид ховсдуулсан байх. Магадгүй, хорт хавдрын оньсого мэт шалтгаан нь түүний талаарх түвэгтэй бус, харин энгийн ойлголтод оршиж болох юм. Жинхэнэ хорт хавдар бол тогтолцооны өвчин учир гарал үүслийг нь тайлахгүйгээр түүнээс салж эдгэрэх боломжгүй юм. Харамсалтай нь хорт хавдрын эмгэг жам далдын далд "долоон цоожны" цаана оршиж байна.