Номын тухай

Парис бүсгүйчүүдийн үнэн бодит байдал: Тэдний үргэлж "туранхай" байдаг нь гентэй нь холбоотой гэдгийг бүгд л мэднэ.Тэдэнтэй хамт байхад тийм ч амар биш, дээр нь тэд тийм ч саЙн ээжүүд биш. Чухамдаа хайш яйш, найдваргүй, муу зуршил ихтэй, төгс биш хүмүүс гэвэл тэднийг л хэлэх байх. Гэвч, нөгөөтээгүүр тэд хөгжилтэй, халамжтай, сониуч бас хэрхэн аз жаргалтай амьдрахаа сайн мэддэг бүсгүйчүүд.

Бид дөрөв урт удаан хугацаанд хамтдаа нөхөрлөсөн Парис бүсгүйчүүд юм. Бид өөрсдийн гэсэн онцлог зан чанар, үзэл бодолтой ч чухал гэсэн зүйлүүд дээр үргэлж л санал нийлдэг. Бид өөрсдиЙн амьдралыг уран зохиол болгон хувиргах дуртаЙ тэр л Франц зангийн талаар ярилцан инээлдэж олон шөнийг хамт өнгөрөөсөн. Тиймээс Парис бүсгүйчүүд өөрсдийн амьдралаа сайхан түүх болгохын тулд ямар их хүч энерги зарцуулдаг талаар та бүгд эндээс олж мэдэх болно.

Бидний зорилго бол жинхэнэ эмэгтэй хүн байх Парис урлагийн талаар та бүхэнд мэдлэг өгөхөд оршино. Бид журамтай ч замбараагүй, бардам ч өөртөө итгэлгүй мөн үнэнч ч хуурамч мэт Парис бүсгүйчүүдийн талаар өгүүлэх болно. Мөн та бүхэнд Парис бүсгүйчүүдийн хандлага, хайнга байдал, энгийн хувцаслалт, хайрлаж дурлахаараа хэрхэн өөрчлөгдөж, өдөр тутмынхаа амьдралаа хэрхэн өнгөрөөдөг талаар дэлгэх болно. Тиймээс, дараа дараагийн хуудаснууд Парис бусгүйчүүдийн үнэн бодит байдлыг та бүхэнд нээж өгнө гэдэгт бид итгэж байна.