Номын тухай

Хэрэв Үлмэдэх ямар нэг юмыг хийх гэсэн бол ёсоор нь хийдэггүй тэгс ингэс хийгээд орхих юмуу эсвэл холион бантан болгоод хаядаг ажээ. Номыг зөвхөн үсэглэж л уншина, зөвхөн дармалаар л бичиж чадна. Ихэнх нь түүнийг усан тэнэг гэдэг. Гэвч арай ч тийм бишээ, хэрэв үнэн бол юмыг яаж сэтгэх билээ. Хэдийгээр ой ухаан муутай ч гутлаа толгойдоо угладаггүй, хөлдөө л өмсдөг. Үүнд ч гэсэн сэтгэхүй хэрэгтэй шүү дээ. Үлмэдэх бас ч тийм дорой тожгор бишээ. Тэр ямар нэг юм суръя гэж их хүсчээ. Харин хөдөлмөрлөх дургүй байжээ. Үлмэдэх өчүүхэн ч хөдөлмөр хөлс гаргалгүйгээр шууд л сурчихна гэж боддог байна. Гэвч ямар ч ухаантай тожгор ингээд амжилт олохгүй нь мэдээж юм...