Номын тухай

ШУА-ийн Хэл зохиолын хүрээлэнгийн хэл шинжлэлийн секторын эрдэм шинжилгээний ахлах ажилтан, хэл бичгийн ухааны доктор (Ph.D), дэд профессор Э.Пүрэвжав Ардын уран зохиолч, академич Ц.Дамдинсүрэн агсны мэндэлсний зуун жилийн ойд зориулан "Их эрдэмтэн Цэндийн Дамдинсүрэн" хэмээх судалгааны бүтээлийг бичжээ. Тэрбээр энэхүү бүтээлдээ академич Ц.Дамдинсүрэнгийн хийж бүтээсэн эрдэм судлалын их ажлыг "Монгол хэл бичгийн судлал", "Монгол зөв бичих зүй", "Монгол толь бичгийн судлал", "Монгол утга зохиол судлал", "Монголын нууц товчоон судлал", "Гэсэр судлал", "Жангар судлал", "Утга зохиолын харилцаа холбоо", "Уран зохиолын судлал шүүмжлэл", "Уран бүтээл", "Дуун хөврүүлэг" гэсэн бүлэг хэсэгт хуваан, иш баримт сайтай бичсэн байна.