Номын тухай

"Тэр харав уу? Есүхэйн булааж ирсэн шинэ бэр ямар сайхан хүүхэн бэ?"

"Ёстой л тэнгэрийн дагина шиг сайхан бүсгүй байна даа" "Цэцэг цэврүү шиг гээч!"

"Тэр арав хоног мэргэдийн бэр байсан юм гэнэ лээ. Тэгэхээр цоморлогоо нээчихсэн цэцэг байж таарна даа"

Шинэ бэрийг харахаар цугласан Хиад аймгийнхан ийн хэлэлцэхийг дуулаад нирхийтэл инээлдэв.

Мэнлигийн эцэг Чирха өвгөн болбоос аймгийн хамгийн өндөр настан буурал билээ. Тэрбээр цал буурал сахлаа имрэн цугласан улсын ард зогсохдоо "Та нар чинь юундаа шаазгай шиг шагшраад шинэ бэрийн санааг үймүүлэх гээд байгаа юм бэ? Холхон байхгүй бол миний ташуурын амтыг үзнэ гэж мэдээрэй" хэмээн зандрахад хурсан олон дэрхийтэл инээлдэн ухарцгаав.