Номын тухай

Тайваны хамгийн алдартай эмэгтэй зохиолч Чюн Яогийн монгол хэл дээр орчуулагдсан хоёрдахь роман болох "Хөхөмдөг үүлт тэнгэр" уншигч та бүхний гар дээр очиж байна. Түүний монгол хэл дээр хэвлэгдсэн анхны роман бол "Сюэкө бүсгүй" юм. Хүний сэтгэл хөдлөм, хурц нарийн дүрслэлтэй Чюн Яогийн зохиолууд амьдралын баяр жаргал, зовлон гуниг, цэвэр ариун хайр сэтгэлийг сонирхолтой хэлбэрээр илэрхийлэн гаргасан байдаг болохоор бүх насны уншигчдын зүрх сэтгэлийг ховсдон татах шидтэй. Тэр дундаас цэвэр ариун сэтгэлтэй, чин хайрынхаа төлөө амь насаа ч гаргуунд нь гаргахаас буцахгүй чин зоригт эмэгтэйчүүдийн дүр түүний бүтээлд тод томруун байр суурийг эзэлдэг. Учир нь зохиолч өөрөө эмэгтэй хүн болохоороо эмэгтэй хүний дотоод ертөнц торгон зөөлөн мэдрэмжийг илүү тод томруун бичдэг ч байж мэдэх юм.