Номын тухай

Их дээд сургуулийн сургалтын бүрэн курс энэ номын зорилго нь: Макро эдийн засгийн амьдралд явагдан буй олон талт үзэгдэл, уйл явцуудын тухай мэдлэгийн илүү бүхэл бүтэн буюу ерөнхий нэгдмэл төсөөллийг хялбаршуулж ойлгуулахад чиглэгдсэн байна. Ингэхдээ, зохиогчийн энэ бүтээлд дараах зангилаа асуудлууд харилцан шүтэлцээтэйгээр тодорхойлогджээ. Үүнд: -Орчин үеийн макро эдийн засгийн ойлголтын онцлогуудтай танилцуулах; -Эрх, ёс зүй, соёл, төрийн бодлого болоод экологитой холбогдох макро эдийн засгийн харилцан шүтэлцээг таниулах; -Макро эдийн засгийн нийгэм (социал)-ийн статусын талаарх төсөөллийг ойлгуулах; -Макро эдийн засгийн тухай өдгөө үеийн сэтгэлгээний дадлыг хөгжүүлэх.

Эдийн засгийн зарим нэр томьёог мэргэжлийн судалгааны үндсэн дээр түүний бодит агуулгатай нь дүйлгэн монгол үгээр зөв оноож хэрэглэх талаар зохиогч ихэд анхаарч оролдсон тал бас байна. Тэр нь энэ номын өөр нэгэн чухал онцлог гэхэд болно. Үүнийг бид үгүйсгэх аргагүй, харин ч дэмжүүштэй байж болох мэт. Яагаад гэвэл, нийгэм-эдийн засгийн алив үзэгдлийг төрөлх хэл дээрээ буулгаж сэтгэхгүйгээр шинжлэх ухааны түвшинд хүрч ойлгох боломжгүй.

Макро эдийн засгийн ухааны энэ ном нь шинэ зуунд амьдарч аж төрөх хувь тавилан бүхий оюутан хийгээд сэхээтнүүдэд, өдгөө үеийн аж ахуйн амьдралын ээдрээ түвэгтэй үзэгдэл, үйл явцыг онол аргазүйгээр ухааран, ирээдүйгээ зөвөөр харж бүтээх гэрэл гэгээ олгохуйц ач холбогдолтой байна.