Номын тухай

Үйлдвэр, хөдөө аж ахуйн яамны Хөдөө аж ахуйн үйлдвэрлэлд шинжлэх ухааны ололт нэвтрүүлэх төв, Дархан-Уул аймгийн Ургамал газар тариалан эрдэм шинжилгээний хүрээлэнтэй хамтран хэрэгжүүлсэн төслүүдийн үр дүн, эрдэмтэн судлаачдын үйлдвэрлэлд нэвтрүүлсэн шинэ бүтээлүүд тухайлбал үр тариа, төмс хүнсний ногоо тариалах технологи, эрдэс бордоо, хөрс боловсруулах арга технологи зэргийг багтаан "Таримал тариалах технологи, зөвлөмж" гарын авлагыг боловсруулан Японы олон улсын хамтын ажиллагааны JICA төслийн санхүүжилтээр хэвлүүлснийг тариаланч, ногоочид та бүхний хүртээл болгож байна. Уг гарын авлага нь Хөрс боловсруулах технологи, Үр тариа тарих технологи, арга, Төмс тариалах технологи, Хүнсний ногоо тариалах технологи, Жимс жимсгэнэ, цэцэг, чимэглэлийн ургамал тариалах технологи, Тос, тэжээл, балт ургамал тариалах технологи, Таримлыг бордох технологи Ризобиум био бордоо гэсэн 7 бүлгээс бүрдэнэ.