Номын тухай

Монгол хэл шинжлэлийн онол, түүхийн зангилаа асуудал болох Монгол хэлний хөгжлийн түүх, түүний үечлэл, олон монгол хэл аялгуутан, тэдний бичиг үсгийн талаар тухайлан бичсэн “Монгол хэл аялгуу, үсэг бичгийн хөгжлийн түүх” хэмээх энэ номонд онол, хэрэглээг хослуулсан, олон эрдэмтдийн санал дүгнэлтийг тусгасан байна. Эх хэлний судлал, сургалт, сурталчилгаа хомстон, бүдэгрэн эрлийзэж, эзэнгүйдэж, даяаршин мөхөж байгаа өнөө үед Монгол хэл, бичиг үсгийнхээ сод сонин түүхийг багц бөөнд нь барилдлагат тогтолцоонд нь хураангуйлж нэгтгэн авч үзсэн энэ ном их дээд сургуулийн мэргэжлийн ангийн оюутан, магистр, докторантууд болон багш нарт гарын авлага, судлаачдад чиг зүг болохуйц бүтээл болжээ.