Номын тухай

Бурханы шашныг шимтэн сонирхогч уншигч та бүхэнд Төвд, Монголд дэлгэрсэн Гэлүгва ёсны арван догшин бурхадын намтар, түүхийг олон талаас нь танилцуулсан "Арван хангалын тахилга" хэмээх нэгэн бүтээлийг толилуулж байна. Энд гарч буй арван бурхадын тахилга Монгол оронд хамгийн түгээмэл дэлгэрч байсан төдийгүй монголчууд тэдгээр бурхадыг шүтэн биширч, дотоод сэтгэлээ ариунаар хадгалж, улмаар төгс төгөлдөр гэгээрэлд хүрч байсан түүхтэй. Арван хангал бурхадын эхний хоёр нь ядам бурхан байдаг. Нууц тарнийн ёсны ядам бурхадын тусламжтайгаар гэгээрэлд хүрдэг. Үүний тулд Бурханы шашныг судлахдаа эхлээд судрын ёсоор замнаж, дотоод сэтгэлийн хир буртагыг арилгах ба дараа нь тэрхүү ариусан бэлтгэгдсэн сэтгэлдээ нууц тарнийн эрдмийн үрийг суулгаснаар төгс гэгээрлийн мөнх настай цэцгийг ургуулж чадах юм.