Хүн бүхэн эрүүл, өвчин зовлонгүй амьдарч урт наслахыг хүсч байдаг. Гэвч тэр мөрөөдөл биелэх нь нэн ховор байдаг нь нэн харамсалтай. Сүүлийн жилүүдэд манай орны хүн амын дундаж наслалт нилээд нэмэгдэж 66-68 болсон боловч 100 ба түүнээс дээш нас наслагчдын тоо тогтвортой өсөхгүй, дундаж наслалтаар дэлхийн бусад улсуудаас хоцронгуй байсаар байна.
Өвчин, зовлонгүй, эрүүл саруул урт наслахад хооллолт, хөдөлгөөний ач тус, таргалалт, архи, тамхины хор хөнөөл сэтгэлийн бухимдлаас сэргийлэх талаар "Эрүүл урт наслахуй" номондоо товч бичсэн юм. Энэ номтой нилээд уншигч уншиж танилцсан билээ. Өмнөх номонд ороогүй нилээд асуудлыг дэлгэрэнгүй оруулсэн "Эрүүл урт наслахуйн үндэс" хэмээх хоёрдахь номоо та бүхэнд өргөн барьж байна. Таалан болгооно уу !