Номын тухай

Нухацтайхан бодоорой. Чиний мөрөөдөж байсан амьдралтай хэр ойрхон байна вэ? Аав ээжийнхээ бяцхан охин нь байсан амьдралтай зүйрлэхүйц аз жаргал байна уу? Жаахан охин байхдаа мөрөөдөж байсан мэргэжлээ сонгоод арван жилд байхдаа зүүдлэнхэн мөрөөдөж байсан залуутайгаа үерхээд эсвэл аль хэдийн мөрөөдлийнхөө эхнэр нь болчихоод сууж явна уу? Тиймээ гэж хариулаад бардамхан инээмсэглээд сууж буй бүсгүйд баяр хүргэе. Харин өөрийн эрхгүй хувь заяандаа гомдон нууцхан нулимсаа арчин санаа алдан суугаа бүсгүй байвал толгой доторх элдэв бодол, гэрийн дуусашгүй ажил, ажлын стресс, сэтгэлд хүрэхгүй нөхрөө түр мартаад наашаа суугаад анхаарлаа хандуул, номондоо төвлөр. Учир нь би хэн нэгэнд, хэд хэдэн бүсгүйд тусалж чадсан бөгөөд танд бас туслаж чадна. Хамгийн чухал нь таны амьдрал мөнгөтэй мөнгөгүй хэн нэг эр хүний гарт биш зөвхөн таны гарт байгаа. Жаахан л тусламж, урам зориг, арга хэрэгтэй. Түүнийг энэ ном өгч чадна.