Номын тухай

Эрт ч, эдүгээ ч улс орон бүхэнд зөн билэгт хүмүүс байсаар ирсэн түүхтэй. Тэднийг, бөө удган, шидтэн, ёрчид, зөн билигтэн, мэргэч төлөгч, тайлгач, зурхайч, арш, увдистан, далдыг харагчид гэх зэргээр нэрлэж байсан ч, тухайн үед хэний ч мэдэхгүй мэдээллийг хүлээн авах тэдний чадвар ижил байдаг.Ийм хүмүүс хэзээ, хэрхэн бий болоод янз бүрийн ард түмэнд өөр, өөр цаг үед яагаад чухам тийм чухаг хэрэгтэй байсан юм бол оо? Үүнд тодорхой нэгэн хариулт байхгүй. Гэхдээ л хүн бүрийн ирээдүйгээ мэдэх гэсэн байнгын эрмэлзэлд ямар нэг амин чухал гүн гүнзгий учир шалтгаан буй нь илэрхий."Хувь тавилангаасаа зайлж чадахгүй" гэсэн үгийн үнэнийг бидний олонхи амьдралын туршлагаасаа мэднэ.Ийм үг эртний Эдипийн домогтой хамт үүссэн ч байж мэднэ. Энэ эмгэнэлт түүх Фивийн хаан Лай, Иокаст хоёрын гэрлэлтээс эхэлжээ.