Номын тухай

 

Хамгийн түгээмэл тохиолддог эмгэгт зүрх судасны өвчин ордог. Зүрх судасны эмгэгийн гол шалтгаан нь цусны даралт ихсэх өвчин, бөөрний, дотоод шүүрлийн, холбогч эдийн эмгэг, ревматизм зэрэг болж байна. Зүрхний эмгэг өвчнийг оношлох, яаралтай тусламж үзүүлэх шалгуурт нь ЗЦБ орно.

Дэлхийн эмч нарт хэрэгцээтэй гэдэг нь нотлогдож, англи хэлээр гурван удаа хэвлэгдэн түгсэн энэ номыг орос орчуулгаас нь монгол хэлнээ хөрвүүлж эмч, оюутан, эрдэм шинжилгээ судалгааны ажил эрхэлдэг хүмүүст хүргэх зориг гаргаж зорьсондоо хүрсэн номын орчуулагчид талархсанаа илэрхийлье.

Т.Шагдарсүрэнгийн нэрэмжит Анагаах ухааны үндэсний хүрээлэн нь АУ-ны чиглэлийн аливаа бүтээлч сайн үйлсийг дэмжиж тус ШУ-ны салбарт хувь нэмэр оруулж буй эрдэмтэн мэргэд, докторант, эмч, магистрант, оюутнуудыг сайшаан урамшуулдаг уламжлалтай. Эмч орчуулагч Л.Анхбаяр, орчуулгын редактор, АУ-ны докторант Ц.Пүрэвдаш нарт эрдэм шинжилгээ судалгааны ажилд нь амжилт хүсье.