Монгол ардын аман зохиол нь дээр үеэс аман ба бичгийн хэлбэрээр уламжлагдан ирсэн мэргэдийн оюун билгээр тэжээгдсэн, ончийг олсон гүн гүнзгий утга учиртай, илүү дутуугүй цэгц охь үгээр илэрхийлэгдсэн хүмүүн төрөлхтний олон талт үйл ажиллагааг тусгасан гайхамшигт бүтээл юм. Монгол ардын аман зхиол олон төрөл зүйлээс бүрддэг. Зүйр цэцэн үгс, оньсого, шившлэг, үлгэр домог, тууль, ерөөл магтаал гэх мэт. Ерөөл гэдэгнь ард түмний аж байдал, ажил хөдөлмөрийн янз бүрийн үзэгдлийг тусган магтаж, ирээдүйн сайн сайхныг зөгнөсөн утгаар шүлэглэдэг, иргэний ба олон нийтийн баяр ёслолын үед хэлдэг зан үйлийн холбогдолтой тусгай хэлбэртэй уран шүлэг юм. Ерөөлийг билэг дэмбэрлийн үгс ба ерөөл гэж хоёр ангилдаг. Магтаал гэдэг бол амьдралахуйн тусгай дүрслэгдэхүүний сайн сайхан шинжийг тоочин дүрслэж бахархан сайшаах утгыг илэрхийлсэн шүлэг юм.